قصة باللهجة العدنية

قصة باللهجة العدنية

عائلة في يوم الراتب
__________________

كان وقت الغذاء الساعة 2ظهراً ... ينتظروا الابناء ابوهم من العمل ... يدخل الاب من الباب
يقول : هه يا حرمة جهزتي الغذاء ولا عادوه .
الزوجة : اوه جعلك ام السبقبق ربشتني كدحت ملح مرتين لشتني ..ايوة ايوة جاهز ... اصبر لك صبر يصبر بطنك .
الاب يكلم اولاده : شوفوا هذه امكم مجنونة محد رضى فيبه يزوجه خدعونا الله يخدعهم ( الله يرحهم ) ويسامحهم .
الابناء يضحكوا عليهم من المناجمة حق كل يوم ..
الزوجة : بطلك هذه الهدرة الي ما منه قلي استلمت الراتب ولا عادك .
الاب : اشهدوا على هذه الحرمة اول هاتي غذاء نأكول لقمة وافتهن بعدين سالينا لك ام الصبيان تلهطك .
الزوجة : ليش الحكومة خلت لنا قليل عقل و الغلاء شيب راس نحنا تعال شوفك ابو الدكان يشتي فلوسه وبناتك يشتوا اجرة الباص ومصاريف جامعة والعيال مصاريف المدرسة ..
الزوج : طيب كم تشتي حاسيبنا وامري لله اسمعك .
الزوجة شوف امس قال صاحب الدكان يشتي 40الف حق الراشن ويشتيهم كاش مافيش عاد ديّن نعم دكانه مفلس ما عادش يدين احد . وحق الثلاث البنات الجامعة 30 الف . الزوج : حق ايش 30الف اجرة باص .
الزوجة : اوووووووووو الرجال مش داري انوه اجرة الباص للكلية للواحدة عشرة الف ريال وانت معك ثلاث .
الزوج : طيب وايش ثاني لك جني يشلك .
الزوجة : باقي حق 2 الجهال حق المدرسة الخاصة يشتوا القصد قدك داري المدارس بعدن ثلاث فترات ويدرسوا يوم ايوة ويوم لا .. واني اخاف على الجهال الصغار المدرسة بعيدة وخلوا طلاب الثانوية من الصغار . باقي حق القسط 25الف ....
الزوج يقصف عمرك يا حرمة سديتي نفسي من الاكل شبعت محاسبة وغلاء ومصاريف شلي الاكل لك انا دوخت من كلامك .
40+30+25+95الف ريال .... من فين اجيب لكم 95الف ريال يامجنونة يا مصاورة راتبي 70الف ريال وقدك داري تشتينا اروح اسرق ولا ارتشي ولا احسن اعمله و افجر نفسي واخلص منكم ...
الزوجة اووووووووو لا اباه روح ساحات التغيير ولعلع قليل بتحصل لك زايد ناقص ولا كون بلطجي بترزق لك فلوس من هنا وهنا ... اوووو ،،، وانْي اشلي فيبك روح تنكه بلاد النامس المهم روج جيب هذه الفلوس ولا بروح بيت اهلي وانت ربي عيالك .... اندكوه الاكل قدامك اكل ولا عنك ما آكلت . يا ساتر الحكومة تجنن ورجالنا يجننوا معاها ويش اسوي أني يا ربي .
الزوج : ايش نقول لا حول ولا قوة الا بالله ما معنا الا ندبر سلف ونتوكل على الله وبيحلها ربي من عنده .

ربي يعطيك العاافيه على هيك طرح دمت متالق ودام عطااءك اخووي
ربي يحميك وتقبل طلتي

اللهم امين وياك يا الغلا

منورة في طلتكك